अत्र संसारनाटके तु मुखसन्धिपरिज्ञानायापेक्ष्यमाणो बीजोपक्षेपसमय एव न परिज्ञायते संसारस्यानादिप्रवाहवृत्तत्वात्, एवं समाधिपरिपाकभवसार्वज्ञ्य-स्वरूपाऽनुभूतिरूपा च प्रस्तावनाऽत्रान्त एव जायत इत्यभिप्राय:। श्रुतिरपि क्वचित् 'पश्य देवस्य काव्यम्’ इत्युक्त्वा जगत् काव्यत्वेनोपदिशति।

अनुवाद - तुम वेदों के कवि हो। तुमने आमुख में ही अन्त होने वाले नाटक प्रबन्ध की रचना की है। इसमें अनेक बार समाप्त होने वाले विशाल अंक हैं। अत: उन अङ्कों के अन्त में अनेक बार नटसमूहों के बाहर चले जाने से इसका रंगमञ्च खाली हो जाता है और इसकी मुखसन्धि का पता नहीं चलता।

अन्वय: - त्वमेव जगत: संज्ञापरिचयसंस्कृतिरूपवेदनाभि: भ्रमयसि इति सदसदतदपोढवस्तुचिन्ताकृति: (त्वं) इति विवेकवेद्यं कल्पयसे।

पदार्थप्रकाशिका- भ्रमयसीति - त्वं शिव एव जगत: संसारस्य संज्ञापरिचयसंस्कृतिरूपवेदनाभि:, संज्ञापरिचयेन नामज्ञानेन संस्कृत्या संस्कारेण रूपस्य अर्थस्य वेदनया बोधेन च भ्रमयसि भ्रममुत्पादयसि। सदसदतदपोढ-वस्तुचिन्ताकृति:, सदसत् कार्यकारणभावरूपं यद् अतद् अविद्या अज्ञानं वा तेन अपोढं पृथक्कृतं यद् वस्तु परमसत्ता तस्य वस्तुन: चिन्ताबोध: आकृति: आकारो यस्य स तादृश: त्वमसि इति अस्मात् कारणात् विवेकवेद्यं कल्पयसे सृजसि। वेद्यमिति भावे ण्यत्।

अनुवाद - तुम ही संसार के संज्ञा परिचय, संस्कार तथा रूप की वेदनाओं (ज्ञान)से भ्रमित करते हो। तुम कार्यकारण रूप अविद्या से व्यावृत्त ज्ञानस्वरूप (वस्तु)परमसत्ता हो अत: तुम विवेक को उत्पन्न करते हो।

अन्वय: - हे स्मरहर! अमृतविषयप्रवेशभूमौ यस्य दृश: पथि त्वं भवसि स जगति द्वितीयं न परिपश्यति इति दृष्टिविषाधिका जिह्मा ते गति: (विद्यते)।

पदार्थप्रकाशिका - त्वमिति- हे स्मरहर! कामहर्त:! अमृतविषय-प्रवेशभूमौ अमृतविषयस्य अमृतनिधानस्थानभूतस्य मोक्षस्य प्रवेशभूमौ द्वारदेशे विद्यमान: भवान् यस्य प्राणिन: दृश: नेत्रस्य पथि मार्गे भवसि विद्यसे स प्राणी जगति संसारे द्वितीयं त्वदतिरिक्तं न परिपश्यति इति। स संसारे सर्वत्र त्वामेव पश्यति न किमप्यन्यदिति भाव:। इति हेतो: दृष्टिविषात् दर्शनमात्रेणान्यस्य दाहकात् दृष्टिविषनाम्ना प्रथितात् सर्पादपि जिह्मा कुटिला तव गति:। अस्तीति शेष:। दृष्टिविषाधिका दृष्टौ नेत्रे विषं यस्य स दृष्टिविष:, सर्पविशेष:। ततोऽधिका आधिक्यं प्राप्ता जिह्मा कुटिला ते गति:। दृष्टिविष: सर्पो यं पश्यति स तस्य विषेण दग्धो भवति। तं न कोऽपि पश्यति। मोक्षद्वारि स्थितं त्वां दृष्ट्वा जीव: शीघ्रमेव मुक्तिं प्राप्रोतीति दृष्टिविषाधिका शिवस्य गतिरिति भाव:। सर्पपक्षे स्मरहरशब्द: स्मरणशक्तिहर्तु: सर्पस्य बोधक:। 'जिह्मस्तु कुटिलेऽलसे’ इत्यमर:। काव्यमालासंस्करणे 'अमृत’ इति सम्बोधनपदम्।

अनुवाद - हे स्मरहर! मोक्षद्वार प्रवेशभूमि में तुम जिसके दृष्टिपथ पर होते हो वह संसार में दूसरे को नहीं देखता। दृष्टिविष (सर्पविशेष) से अधिक कुटिल तुम्हारी गति है। दृष्टिविष सर्प जिसे देख लेता है, वह तत्काल दग्ध हो जाने के कारण दूसरे को नहीं देखता।

अन्वय: - द्रुहिण-भवन-पद्मबीज-मालामणि-परिवर्तन-तत्परात्मन: ते अखिलम् एव जन्तुजातं ग्रसितुं विजनयत: विडालवृत्ति: विदिता (अस्ति)।

पदार्थप्रकाशिका - द्रुहिणेति- द्रुहिण-भवन-पद्मबीज-मालामणि-परिवर्तन- तत्परात्मन:, द्रुहिणभवनानि ब्रह्माण्डानि एव पद्मबीजानि कमलबीजानि तेषां मालाया: स्रज: मणीनाम् अक्षानां परिवर्तने परिचालने तत्पर आत्मा यस्य स, तस्य। 'धाताब्जयोनिर्द्रुहिणो विरिञ्चि: कमलासन:’ इत्यमर:। तादृशस्य ते शिवस्य अखिलं सम्पूर्णं जन्तुजातं प्राणिजातं ग्रसितुं भक्षयितुं विजनयत: समग्रमपि भुवनं जनरहितं कुर्वतस्ते विडालवृत्ति: मार्जारस्वभाव: विदिता प्रसिद्धा। अस्तीति शेष:। विडालो यथा स्वशावकान् खादति तथैव त्वमपि स्वजन्यं जगत् संहरसि एकान्तस्थानं प्राप्तुं नैकान् विष्णून् ब्रह्मणश्च जनयन् संहरसि। यथा विडाल: स्वभोज्यं मूषकादि ग्रसितुं कुत्रचिन्निलीय तिष्ठति तथैव ब्रह्माण्डमालाक्षपरिवर्तन-व्याजेन तत्रैव निलीनस्य त इयं निखिलं प्राणिजातं ग्रसितुं विडालवृत्तिरस्ति। सा चेयं प्रसिद्धा। 'ओतुर्विडालो मार्जारो वृषदंशक आखुभुक्’ इत्यमर:।

अनुवाद - तुम ब्रह्माण्डरूपी पद्मबीजों से बनी माला के दानों को फेरने में तत्पर रहते हो। इस कार्य से तुम समस्त प्राणियों को झपटने के लिए सभी भुवनों को विजन (जनरहित) करते हो। तुम्हारी यह विडालवृत्ति प्रसिद्ध है।

अन्वय: - अपरिमितकृते: निराश्रयस्य भ्रमरहितस्य निरस्तचेष्टितस्य दृषदुदरदरीषु दर्दुराणां घटनपटो: तव शरीरं कीदृशम् (अस्ति)?।

पदार्थप्रकाशिका - अपरिमितेति- अपरिमिता विशाला कृति: रचना यस्य स अपरिमितकृतिस्तस्य, निराश्रयस्य आश्रयरहितस्य। शिवस्य सर्वव्यापकत्वात् तस्य निराश्रयत्वम्। भ्रमरहितस्य गतभ्रमस्य, सर्वज्ञानाधारत्वाद् भ्रमराहित्यम्। निरस्तचेष्टितस्य निरस्तानि चेष्टितानि यस्य तस्य दृषदुदरदरीषु दृषदां शिलानाम् उदरे मध्ये विद्यमाना दरी गुहा दृषदुदरदरी, तासु। 'पाषाणप्रस्तरग्रावोपलाश्मान: शिला दृषत्’ इत्यमर:। 'दरी तु कन्दरो वास्त्री’ इत्यमर:। दर्दुराणां भेकानां घटने निर्माणे पटुश्चतुरस्तस्य। 'दर्दुरस्तोयदे भेके वाद्यभाण्डाद्रिभेदयो:’ इत्यमर:। तव शिवस्य शरीरं देहरचना कीदृशम् किम्प्रकारकम्। अस्तीति शेष:।

अनुवाद - तुम्हारी रचना अतिविशाल है। तुम निराश्रय हो, भ्रमरहित हो, चेष्टारहित हो, शिलाओं के मध्य विद्यमान गुफाओं में, जहाँ जीवन की कोई आशा नही होती, तुम मण्डूकों की रचना कर देते हो, ऐसे हे शिव! तुम्हारा शरीर कैसा है?।

अन्वय: - हे भुवनभवनभासनप्रदीप! असौ चेतनापतङ्गी त्वयि न्यपतत्। क्षणम् अधिकं ज्वलन्ती अदीप्यत। पुन: प्रथमाम् अपि स्वसत्ताम् अजहात्।

पदार्थप्रकाशिका - भुवनेति- हे भुवनभवनभासनप्रदीप! भुवनं लोक एव भवनम्, तस्य भासने प्रदीप:, भुवनभवनभासनप्रदीपस्तत्सम्बोधने। भुवनभवनानां प्रकाशके प्रदीपे त्वयि असौ चेतनापतङ्गी चेतना बुद्धिरेव पतङ्गी सा न्यपतत्। पतनानन्तरं च क्षणम् अधिकं निमेषाधिकं कालं तस्मिन्नेव दीपे ज्वलन्ती अदीप्यत स्वशरीरदाहद्वारा प्रकाशवृद्धिमकरोत्। पुन: प्रथमां जीवद्दशायां प्राप्तां स्वसत्तां स्वस्थितिम् अजहात् अत्यजत्।

अनुवाद - हे भुवन रूपी भवन के प्रकाशक दीप! तुम में यह चेतना रूपी पतङ्गी गिरी, वह क्षण भर जलती हुई प्रकाशित हुई। तदनन्तर उसने अपनी पूर्व सत्ता को त्याग दिया।

अन्वय: - ध्रुवम् इयम् अपवर्गरात्रिसन्ध्या भवति। यत: त्वयि निर्भर: अनुराग: (अस्ति)। हे रुचिमय! अयं ते चरम: अञ्जलि:। ननु भवान् नचिराद् अदृश्य: भविता।

पदार्थप्रकाशिका - ध्रुवमियमिति- ध्रुवम् निश्चयेन इयम् अपवर्गरात्रिसन्ध्या अपवर्गरात्रे: मोक्षनिशाया: सन्ध्या प्रदोषकाल: भवति जायते। यत: यस्मात् कारणात् त्वयि शिवे मम निर्भर: अत्यधिकस्तीव्रो च अनुरागो विद्यते। हे रुचिमय! हे कान्तिमय! मम अयं पुरो विद्यमानस्तव समक्षे पुटत्वेन संस्थापितो वा चरमोऽन्तिम: अञ्जलि: हस्तपुटं प्रणामाञ्जलिर्वा। ते तुभ्यं शिवाय। वर्तत इति शेष:। ननु न चिरात् शीघ्रं भवान् अपि अदृश्य: भविता भविष्यति। अपिना मुक्तोऽहमपीत्यर्थ:। रात्रौ यथा सूर्यो न दृश्यते तथा जाते मोक्षे दृग्दृश्यसम्बन्धाभावे न परमात्मा भासत इति भाव:।

अनुवाद - निश्चय ही यह मोक्षरात्रि की सन्ध्या हो रही है। तुम में मेरा अत्यधिक अनुराग है। हे कान्तिमय! यह चरम अञ्जलि तुम्हें समर्पित होगी। शीघ्र ही आप भी अदृश्य हो जाएँगे। मुक्त हो जाने पर मैं तो अदृश्य हो ही जाऊँगा साथ ही आप भी मेरे लिये अदृश्य हो जाएँगे। मेरे मुक्त होने पर द्रष्टा और दृश्य का भाव ही समाप्त हो जायेगा।

अन्वय: - हे नाथ! यदपि श्रुतिविषयावधिवर्तमानदृष्टे: मम इन्द्रियाणि तव वशे (सन्ति)। (त्वं) जगत: मुखम् असि तथापि श्रुतिमुकुरेण विना न वेदितासे।

पदार्थप्रकाशिका - यदपीति- हे नाथ! हे स्वामिन्! यदपि श्रुतिविषयावधिवर्तमानदृष्टे: श्रुते: विषया: श्रुतिविषया:, श्रुतिविषया एव अवधि: सीमा श्रुतिविषयावधिस्तत्र वर्तमाना विद्यमाना दृष्टिर्यस्य स:, तस्य तव शिवस्य मम इन्द्रियाणि ज्ञानकर्मेन्द्रियाणि वशे सन्ति। त्वं शिव: जगत: संसारस्य मुखं वक्त्रम् असि तथापि श्रुतिमुकुरेण विना वेददर्पणेन विना न वेदितासे। वेदयतेर्लुटि। ज्ञापयितुं न शक्यस इत्यर्थ:।

अनुवाद - हे नाथ! यद्यपि तेरी दृष्टि श्रुतिविषयों की सीमा तक है और मेरी इन्द्रियाँ तुम्हारे वश में हैं। तुम जगत् के मुख हो तथापि श्रुतिरूपी दर्पण के बिना तुम्हें नहीं जाना जा सकता।

अन्वय: - इतरे सुदीर्घनिद्राप्रवणधिय: अतन्त्रे त्वयि मतिधनं निक्षिपन्ति। उपहरणसञ्चित: ते चेतनानिधि: न जातु व्ययम् उपगच्छति।

पदार्थप्रकाशिका - मतिधनमिति- इतरे अपरे सुदीर्घनिद्राप्रवणधिय: सुदीर्घा चासौ निद्रा सुदीर्घनिद्रा, तत्र प्रवणा सुदीर्घनिद्राप्रवणा, सुदीर्घनिद्राप्रवणा धीर्येषां ते, सुदीर्घनिद्राप्रवणधिय:। तादृशा इतरे जनास्त्वयि अतन्त्रे नियमरहिते। स्वतन्त्र इति यावत्। मतिधनं बुद्धिवैभवं निक्षिपन्ति अर्पयन्ति। उपहरणसञ्चित: उपहरणेन ग्रहणेन दानप्राप्त्या वा सञ्चित एकत्रीकृतस्ते चेतनानिधि: चेतनाया ज्ञानस्य निधि: कोष: जातु कदाचिदपि न व्ययम् उपगच्छति, समाप्तिं न एतीति भाव:। 'बुद्धिर्मनीषाधिषणा धी: प्रज्ञा शेमुषी मति:। प्रेक्षोपलब्धिश्चि-त्संवित्प्रतिपज्ज्ञप्ति-चेतना:’ इत्यमर:। 'निधिर्ना शेवधि:’ इत्यमर:।

काव्यमालासंस्करणे 'सुदीर्घनिद्राप्रणव’ इति पाठ:। अस्माभिस्तु 'प्रवण’ इति पाठ: स्वीकृत:। अमृतोदये तु 'निक्षिपन्त्यन्द्रे’ इति पाठ:।

अनुवाद - सुदीर्घनिद्रा में प्रवणबुद्धि वाले दूसरे लोग नियम रहित स्वतन्त्र तुझ शिव में अपने बुद्धिधन को समर्पित करते हैं। उन्हीं समर्पित बुद्धियों को ग्रहण करके या भेट मंय प्राप्त करके एकत्र किया गया तुम्हारी चेतना का खजाना कभी भी समाप्त नहीं होता।

अन्वय: - क्वचित् विषमे अपि त्वया वियुज्य स्थितिम् अनवाप्य चिरात् संसरामि। हे चित्समुद्र! (अहं) भवगिरिसरित् अस्मि। यदि त्वां लभे तदा स्वम् अपि जहामि।

पदार्थप्रकाशिका - क्वचिदिति- क्वचित् विषमे समतारहितप्रदेशे त्वया शिवेन वियुज्य वियुक्तिं लब्ध्वा स्थितिं स्थैर्यम् अनवाप्य अप्राप्य चिरात् चिरकालात् संसरामि गच्छामि। 'क्षीणे पुण्ये मृत्युलोकं विशन्ति’ इति पूर्वं पुण्यपरिपाकात् परमात्मसङ्गं समवाप्यापि पुन: पुण्यक्षीणतावशात् त्वया वियुक्तोऽभवम्। हे चित्समुद्र! चेतनाजलधे! अहं भवगिरिसरित् भव एव गिरि: पर्वतस्तस्य सरिन्नदी अस्मि। अतस्तत्र त्वया वियुक्त: सातत्येन प्रवहामि। न कदापि शान्तिं लभे। यदि त्वां चित्समुद्ररूपं शिवं लभे प्राप्रोमि तदा सपद्येव त्वत्प्राप्त्यनन्तरं त्वद्रूपो भूत्वा स्वं निजं भवनदीस्वरूपं जहामि त्यजामि। समुद्रे गत्वा नदी अपि समुद्र एव भवति। नदीत्वेन तदनन्तरं तस्या: सत्ता न भवति। अतश्चित्समुद्ररूपं त्वां शिवमवाप्य अहमपि शिवरूप एव भवामीति भाव:।

अनुवाद - मैं कहीं विषम स्थल में तुमसे वियुक्त हुआ हूँ। कहीं स्थिर न हो पाने के कारण चिरकाल से तुम से बिछुड़ (अनेक योनियों जन्म-मृत्यु ग्रहण) कर संसरण कर रहा हूँ। हे चित्समुद्र! मैं संसाररूपी पर्वत की नदी हूँ। यदि तुम्हें पा जाऊँ तो अपने स्वरूप को भी छोड़ दूँ।

अन्वय: - हे विदूरयात्रासहचरि! हे भगवति नियते! अयं संसरणाध्वन: अन्त: (अस्ति)। हे जरति! (त्वं) नि:सहा असि, विरम। अत: अद्वयोपभोग्यं संविन्नगरम् (भवति)।

पदार्थप्रकाशिका - भगवतीति- हे विदूरयात्रासहचरि! विदूरयात्रायां संसारदशायां सहचरि! सङ्गिनि! हे भगवति नियते! हे भगवति भवितव्यते! वा। 'दैवं दिष्टं भागधेयं भाग्यं स्त्री नियतिर्विधि:’ इत्यमर:। अयं पुरतो विद्यमान:, संसरणाध्वन:, संसरणस्य गमनस्य अध्वा मार्ग: संसरणाध्वा, तस्य। संसारसंसरणमार्गस्येत्यर्थ:। 'अयनं वर्त्म मार्गाध्वपन्थान: पदवी सृति:। सरणि: पद्धति: पद्या वर्तन्येकपदीति च’ इत्यमर:। अन्त: नाश:। अस्तीति शेष:। एतदनन्तरं संसारमार्गस्य गतिर्नास्तीत्यर्थ:। 'अन्त: स्वरूपे निकटे प्रान्ते निश्चयनाशयो:’ इति हैम:। हे जरति! हे वृद्धे! भवितव्यते नियते वा, भवसंसरणाध्वनोऽन्ते नियतेर्निर्बलत्वात् जरतीति पदेन व्यपदेश:। त्वं नि:सहा असि, विरम, निवर्तस्व। अत: परं संविन्नगरम्, संविदो नगरम्, ज्ञानपुरम्। तद् अद्वयोपभोग्यम् एकाकिना एव भोग्ययोग्यम्। भवतीति शेष:। तत्र नियतेस्तव गतिर्नास्ति। भगवत: कृपया सम्प्रति भवमार्गस्य विनाशो जात:। मया मोक्षो लब्ध:। नियतिस्त्वं वृद्धत्वं प्राप्तवती। अतोऽत्र विरम, संसारं गच्छ। संविन्नगरं ज्ञाननगरं, मोक्षनगरमिति यावत्। द्वाभ्यां बहुभिर्वा भोगयोग्यं न भवति। तत्र जीव एकाकी गच्छतीति भाव:।

अनुवाद - हे संसारयात्रा की सहचरि! भगवति भवितव्यते! यह संसार में भटकाने वाले मार्ग का अन्त है। हे वृद्धे नियते! अब रुको और वापस जाओ। तुम नि:सह हो। संवित् नगर (मोक्षनगर) अकेले ही भोगयोग्य होता है।

अन्वय: - अदृष्टपदार्थलेखदक्ष: स विधि: मम भाले अक्षराणि कथं विलिखतु। मम हि अक्षपादपादप्रणिपतनेन ललाटसीम्नि चक्षु: मिलितम्।

पदार्थप्रकाशिका - विलिखत्विति- अदृष्टपदार्थलेखदक्ष: अदृष्टानाम् अनागतानां पश्चाद्भाविपदार्थानां लेखे निबन्धने दक्ष: चतुर: स विधि: ब्रह्मा मम भाले मस्तके भालपट्टके वा अक्षराणि भाग्याक्षराणि कथं विलिखतु टीकेत। मम हि अक्षपादपादप्रणिपतनेन अक्षपादस्य गौतमस्य न्यायसूत्रकर्तु: पादयो: प्रणिपतनेन प्रणतिकरणेन ललाटसीम्नि भालावधौ चक्षु: नेत्रं मिलितं प्राप्तम्। अक्षपादस्य गौतममुने: पदेऽक्षि आसीदिति काचन किंवदन्ती लोके प्रसृता। तामेवाश्रित्येह वदति। अक्षपादस्य पादयो: प्रणिपतनेन तस्य पादे विद्यमानमक्षि मया लब्धम्। इदानीमहं मम भाग्यपट्टे लिखितानि भाग्याक्षराणि पठितुं शक्नोमीति भाव:। स हि गौतममुनि: स्वमतदूषकस्य व्यासस्य मुखदर्शनं चक्षुषा न कर्तव्यमिति प्रतिज्ञाय पश्चाद् व्यासेन प्रसादित: पादे नेत्रं प्रकाश्य तस्य व्यासमुनेर्दर्शनं कृतवानिति पौराणिकी कथा। गौतमो नाम प्रमाण-प्रमेयादि-षोडशपदार्थज्ञानेन मोक्षप्राप्तिरिति सिद्धान्तयति। अज्ञाते भाग्याक्षरे कथं मोक्षोपलब्धिरिति तच्छास्त्रपठनेन लब्धपदार्थज्ञानस्य मम भाग्ये नूनमज्ञातपदार्थलेखदक्षो विधि: न किमपि लेखितुं शक्नोतीत्याशय:। विधिरदृष्टपदार्थलेखदक्षो भवति। स हि भाले यल्लिखति तत्कालान्तरे फलति। अहञ्च मुनेरक्षपादस्य सेवया भालचक्षु: प्राप्तवानस्मीति भालेऽदृष्टपदार्थलेखस्य अवसर एव नाऽस्ति। स्थानाभावात् स लेखितुं न पारयिष्यति। अथवा तल्लिखितमहं पठिष्यामीति भाव:। यद्वा अक्षपादस्य पादयो: प्रणिपतनेन तत्प्रणीतशास्त्रस्याध्ययनेन तृतीयं ज्ञानरूपं भालचक्षु: प्राप्तवानस्मीति, विवक्षति। अमृतोदये तु-

अनुवाद - अदृष्ट पदार्थों के लेखन में चतुर वह ब्रह्मा मेरे भाल पर भाग्याक्षर कैसे लिख सकेगा? अक्षपाद (गौतममुनि) के पैरों पर गिरने से मेरी ललाट सीमा में आँख प्राप्त हो गयी है।