दिवु क्रीडाविजिगीषाव्यवहारद्युतिस्तुतिमोदमदस्वप्नकान्तिगतिषु।
षिवु तन्तुसन्ताने।
सिवु गतिशोषणयो:।
ष्ठिवु निरसने। पूर्ववत्।
क्लसु ह्वरणदीप्त्यो:।
प्लुष दाहे। क्लस्यति। प्लुष्यति इत्यादि।
नृती गात्रविक्षेपे। नृत्यति। अनृत्यत्। आशिषि यासुट् नृत्यात्। ननर्त्त। ननृततु:। ननृतु:। ननर्तिथ। लुङि अनर्त्तीत्। णौ चङि अनीनृतत्। अननर्त्तत।
त्रसी उद्वेगे।
कुथ पूतीभावे।
पुथ हिंसायाम्।
गुध परिवेष्टने। उदाहरणमूह्यम्।
क्षिप प्रेरणे। क्षिप्यतीत्यादि। आशिषि क्षिप्यात्। चिक्षेप। चिक्षिपतु:। चिक्षिपु:। चिक्षेपिथ। लुङि अक्षैप्सीत्। णौ चङि अचिक्षिपत्। क्षेप्स्यतीत्यादि।
कृष विलेखने। कृष्यतीत्यादि। लिटि चकर्ष। चकृषतु:। चकृषु:। चकर्षिथ। लुङि अकार्षीत्। करिष्यतीत्यादि।
पुष्प विकसने। पुष्प्यतीत्यादि।
तिम तीम ष्टिम ष्टीम आर्द्रभावे। तिम्यति। तीम्यति। स्तिम्यति। स्तीम्यति।
व्रीड चोदने लज्जायां च। व्रीड्यति।
इष ईष गतौ। प्रेष्यति। प्रेष्येत्। आशिषि प्रेष्यात्। लिटि इयेष। ईषतु:। ईषु:। इयेषिथ। लुङि ऐषीत्। प्रेषिष्यतीत्यादि। ईषेर्लिट्यां ईषयामास।
जृष् जॄष् वयोहानौ।
।। क्षिपि वर्जन्ता। सेट: परस्मैभाषा:।।
षूञ् प्राणिप्रसवे। प्रसूयते। प्रासूयत इत्यादि। आशिषि
दूङ परितापे। दूयते। अदूयत आशिषि दविषीष्ट। दुदुवे। लुङि अदविष्ट। दविष्यते इत्यादि।
दीङ् क्षये। दीयत। इत्यादि आशिषि प्रागेव प्रत्ययोत्पत्ते:
मीङ् हिंसायाम्। प्रमीयते। प्रामीयत इत्यादि। आशिषि प्रमेषीष्ट। लिटि प्रकृति जशां प्रमिम्ये। प्रामेष्ट। प्रमेष्यते। प्रामेष्यत। प्रमेता। प्रमिमीषते। प्रमेमीयते।
डीङ् विहायसा गतौ। डीयते। आशिषि डयिषीष्ट। प्रकृतिजशां प्रकृतिजश: डिड्ये इत्यादि।
धीङ् अनादरे। उदाहरणमूह्यम्।
रीङ् स्रवणे। रीयते। अरीयत। रीयताम्। आशिषि रेषीष्ट। रेषीढ्वम्। लिटि रेरिर्ये। क्रादिनियमादिट्
लीङ् श्लेषणे। लीयते इत्यादि। आशिषि एज्विषये
प्लीङ् गतौ। प्लीयते इत्यादि। आशिषि प्लेषीष्ट। लिटि इयङ् पिप्लिये। लुङि अप्लेष्ट।
प्रीङ् वृणोत्यर्थे। पूर्ववत्।
सूदूरीदीधीधिय: पञ्च प्लीव्रीलीमीरिङस्तथा।
ओदित्वमेषामेषृव्यं निष्ठानत्वं विधिसुभि:।
पीङ् पाने। पीयते अपीयत शेषं नेयम्।
प्रीङ् प्रीतौ। प्रीयते। अप्रीयत। प्रीयताम्। प्रीयेत। आशिषि प्रेषीष्ट। लिटि पिप्रिये। अपिप्रयत्। प्रेष्यते। अप्रेष्यत। प्रेता। पिप्रीषते। यङि पेप्रीयते।
ईङ् गतौ। ईयते। ऐयत। ईयताम्। ईयेत। उदेषीष्ट। उदीये। उदयिष्ट। उदैषाताम्। उदैषत इत्यादि योज्यम्। इङ्सूयतिर्विभाषित: आत्मनेभाषा:।
शो तनूकरणे।
छो छेदने।
षो अन्तकर्मणि।
दो अवखण्डने। अवस्यति। व्यवस्यति इत्यादि। आशिषि छायात्।
।। अनिट: परस्मैभाषा:।।
जनी प्रादुर्भावे। शिति
दीपी दीप्तौ। दीप्यते। अदीप्यत। दीप्यताम्। दीप्येत। आशिषि दीपिषीष्ट। दिदीपे। लुङि पूर्ववत् च्लेश्चण्विकल्प: अदीपि अदीपिष्ट। णौ चङि
पूरी आप्यायने। आपूर्यते। आपूर्यत। पूर्यताम्। पूर्येत। पूर्षीष्ट। पुपूरे। प्राग्वच्चिण्विकल्प: अपूरि अपूरिष्ट इत्यादि।
कूरी त्वरणहिंसयो:। कूर्यते।
सूरी दाहे।
पूरी जूरी हिंसावयोहान्यो:।
मारी जूरी हिंसागत्यो:।
शूरी हिंसास्तम्भनयो:।
मूरी दाहे। पूर्ववत्। उदाहार्यम्।
तप ऐश्वर्ये। तप्यते। आशिषि तप्सीष्ट तेपे लुङि झलि सलोप: अतप्त तप्स्यत इत्यादि।
वृङ् वरणे। व्रियते।
क्लिश उपतापे। क्लिश्यते।
काशृ दीप्तौ। काश्यते।
वाशृ शब्दे। यजमानस्य प्रतिख्याय वाश्यते।
।। तपि वृङ्वर्जं तासि सेट आत्मनेभाषा:।।
मृष तितिक्षायाम्। परिपूर्वात्
ईशुचिर् पूतीभावे। अनुबन्धयोर्मध्ये धातु: शुच्यति। अशुच्यत्। शुच्यते। अशुच्यत। आशिषि शुच्यात्। शोचिषीष्ट। शुशोच। शुशुचे। लुङि अशुचत्। अशोचीत्। अशोचिष्ट।
णह बन्धने।
रञ्ज रागे।
शप आक्रोशे। शप्यति। शप्यते।
।। मुषिशुची सेटावितरेऽनिट उभयतो भाषा:।।
पद गतौ। प्रपद्यते। प्रापद्यत। प्रपद्यताम्। प्रपद्येत। प्रपत्सीष्ट। प्रपेदे। लुङि कर्तरि
विद सत्तायाम्। विद्यते। अविद्यत। विद्यताम्। विद्येत। वित्सीष्ट। विविदे। लङि
खिद दैन्ये। खिद्यते। अखिद्यतेत्यादि पूर्ववत्।
बुध अवगमने। बुध्यते। अबुध्यत। बुध्यताम्। बुध्येत। पूर्ववत् कित्त्वं भष्त्वचर्त्वे भुक्षीष्ट। बुबुधे। लुङि पूर्वविच्चिण्विकल्प: अबोधि। पूर्ववत् कित्वं अबुद्धेत्यादि।
युध संप्रहारे। युध्यते। लुङि अयुध्य। अयुत्साताम्। शेषं नेयम्।
युज समाधौ। युज्यते इत्यादि। पूर्ववत्।
अन प्राणने।
अनुरुध सकामे च। अनुरुध्यते। अन्वरुध्यत। अनुरुध्यताम्। अनुरुध्येत। अनुरुत्सीष्ट।
मन ज्ञाने। मन्यते। अमन्यत। मन्यताम्। मन्येत। मंसीष्ट। मेने। अमंस्त। मंस्यते।
सृज विसर्गे। सृज्यते। असृज्यत। सृज्यताम्। सृज्येत। आशिषि लिङ: कित्वं सृक्षीष्ट। ससृजे। लुङि सिच: कित्वम् षत्वष्टुत्वे असृष्ट णौ चङि असीसृजत्। अससर्जत्। अकितिसृजिदृशोरिति अमागम: स्रक्ष्यते। अस्रक्ष्यत। स्रष्टा। सन: कित्वं सिसृंक्षते। सरीसृज्यते।
लिश अल्पीभावे। लिश्यते। अलिश्यत। लिश्यताम्। लिश्येत। आशिषि लिङ: कित्वं लिक्षीष्ट। लुङि च्ले: क्स: अलिक्षत् इत्यादि।
।। अनिवर्जमनिट आत्मनेभाषा:।।
राध साध संसिद्धौ। राधोकर्मकाद्वृद्धावेव राध्यति। अराध्यत्। राध्यतु। राध्येत्। आशिषि यासुट् राध्यात्। लिटि रराध। रराधतु:। रराधु:। क्रादिनियमादिट् रराधिथ। हिंसायां तु
व्यध ताडने।
पुष पुष्टौ। पुष्यति। अपुष्यत्। पुष्यतु। पुष्येत्। पुष्यात्। पुपोष। पुपुषतु:। पुपुषु:। पुपोषिथ। लुङि
शुष शोषणे।
तुष तुष्टौ।
पुष वैकृत्ये। पूर्वेण तुल्या:।
श्लिष आलिङ्गने। श्लिष्यति। अश्लिष्यदित्यादि। आशिषि आश्लिष्यात्। लिटि आशिश्लेष। आशिश्लिषतु:। आशिश्लेषिथ। लुङि
शक विभाषितो मर्षणे। कश विभाषित। इति क्वचित् पाठ:। कश्यतीत्यादि लुङि अकश्यत्।
ञिक्ष्विदा गात्रप्रक्षरणे। क्ष्विद्यति। अक्ष्विद्यत। लुङि अक्ष्विदत्। क्ष्वेत्स्यति। अक्ष्वेत्स्यत् इत्यादि।
क्रुध कोपे। क्रुध्यति। लुङि अक्रुधत्। क्रोत्स्यतीत्यादि।
क्षुध बुभुक्षायाम्।
शुच शौचे।
षिधू संराधौ। पूर्ववत्।
रध हिंसासंराध्यो:। रंध्यति। अरध्यत्। लिटि
णश अदर्शने।
तृप प्रीणने। तृप्यति। अतृप्यत्। ततर्प। ततृपतु:। ततृपु:। ततर्पिथ ततर्प्थ। लुङि अतृपत्। स्पृशिमृशीत्यादिनोपसंख्यानेन सिच इडागमविकल्प: अमागमविकल्पश्च अतर्प्सीत्। अत्राप्सीत्। इड्विकल्प:
दृप हर्षविमोचनयो:। पूर्वेण तुल्यम् त्रुप्यतिद्रुप्यत्यो: अनुदात्तत्वेमर्थम्।
द्रुह जिघांसायाम्। द्रुह्यति। अद्रुह्यत्। लुङि अद्रुहत्। लृलुटो: इट्पक्षे द्रोहिष्यति।
मुह वैचित्ये।
ष्णुह उद्गिरणे।
ष्णिह प्रीतौ। सर्वं पूर्ववद्भष्भाववर्जम् रधादय इड्विकल्पविधावष्टौ।
रधिर्नशिस्तृपि: प्रोक्तो दृपिर्द्रुहिमुही तथा।
ष्णुहिष्णिहिर्विकल्पेटौ वलादावार्धधातुके।।
शमु उपशमने। शमादीनां माद्यतिपर्यन्तानाम्
तमु काङ्क्षायाम्।
दमु उपशमने।
श्रमु तपसि खेदे च।
भ्रमु अनवस्थाने।
क्षमूष् सहने।
क्लमु ग्लाने।
मदी हर्षे। पूर्वेण तुल्या:। क्लमेस्तु
असु क्षेपणे। अस्यति। आस्यत्। आशिषि अस्यात्। आस। लुङि अट्
जसु मोक्षणे।
तमु उपक्षये।
दमु च।
वसु स्तम्भे।
प्लुष विभागे। उदाहरणमूह्यम्।
भृशु भ्रशु म्रशु अध: पतने। भ्रश्यति। अभ्रश्यत्।
मुष मण्डने। मुष्यति।
उच समवाये। उच्यति।
वृष वरणे। वृष्यति।
कृश तनूकरणे। कृश्यति। अकृश्यत्। कृश्यतु। कृश्येत्। कृश्यात्। चकर्ष। अकृशत्। कर्शिष्यतीत्यादि।
ञितृषा पिपासायाम्। तृष्यति।
हृष तुष्टौ। हृष्यति। अहृष्यत्। हृष्यतु। हृष्येत्। हृष्यात्। जहर्ष। जहृषतु:। जहृषु:। जहर्षिथ। लुङि अहृषत्। हर्षिष्यतीत्यादि।
रुष रोषे। रुष्यति। अरुषत्। रोषिष्यति। अरोषिष्यत्।
कुप क्रोधे। कुप्यति। लुङि अकुपत्। कोपिष्यति।
गुप व्याकुलत्वे। गुप्यति। गुप्यात्।
लुभ गार्द्धे। लुभ्यति। अलुभ्यत्। लुङि अलुभत्। लोभिष्यति। अलोभिष्यत्।
क्षुभ सञ्चलने। क्षुभ्यति। अक्षुभ्यत्। लुङि अक्षुभत्। णौ चङि अचुक्षुभत्। क्षोभिष्यतीत्यादि।
क्लिदू आर्द्रभावे। क्लिद्यति। लुङि अक्लिदत्। क्लेदिष्यति। क्लेत्स्यति।
ञिमिदा स्नेहने।
ञिक्ष्विदा स्नेहनमोहनयो:। क्ष्विद्यति। अक्ष्विद्यत्। लुङि अक्ष्विदत्। क्ष्वेदिष्यति। अक्ष्वेदिष्यत्। क्ष्वेदिता। चिक्ष्वेदिषति चिक्ष्विदिषति। क्ष्वेदिता।
ऋधु वृद्धौ। समृद्ध्यति। समार्ध्यत्। समृध्यतु। समृध्येत्। समृध्यात्। लिटि लघूपधगुण: द्विरुक्ति: उरत्वम् अभ्यासस्य दीर्घ:
गृधु अभिकाङ्क्षायाम्। गृध्यति। अगृध्यत्। आशिषि गृध्यात्। लिटि जगर्ध। जगृधतु:। जगृधु:। जगर्धिथ। लङि पुषादित्वादङ् अगृधत्। णौ चङि अजीगृधत्। अजगर्धत्। गर्धिष्यति। अगर्धिष्यत्। गर्धिता। जिगर्धिषति। जरीगृध्यते।
।। अत्र कशि: सेट्। ऊदितो रधादयश्च विकल्पितेट:।
शमादयो माद्यन्ता: सेट:।
ऋध्यति गृध्यति च इतरेऽनिट: परस्मैभाषा:।
।। इति हरियोगिन: प्रोलाचार्यस्य कृतौ शाब्दिकाभरणे श्यन्विकरणा दिवादय समाप्ता:।